Ракометарите на Србија со голема победа над актуелниот европски шампион Шведска (30-28) ги завршија подготовките за Светското првенство (СП), кое почнува задутре во Полска и во оваа скандинавска земја, а на кое настапува и Македонија во група во Краков.

Србите и пред три дена одиграа одлично, но тогаш загубија од Швеѓаните во Халмштад, а вечерва успеаја да им се реваншираат. Најефикасни во победничкиот тим беа Кукиќ и Радивојевиќ со по пет голови, додека Лукас Пелас со шест погодци беше најпрецизен кај „трите круни“.