Министерството за одбрана на Русија соопшти дека нејзините воздушни сили во понеделникот ги нападнале позициите на терористичката организација Џебхат ал Нусра во Идлиб, при што биле убиени и ранети голем број терористи на таа организација и уништени нивните позиции.
Руските воздушни сили ги гаѓаа подземните позиции на терористите во близина на селата Ровиха и Масибин и ги уништија нивните позиции, спречувајќи терористички напади врз објекти кои припаѓаат на вооружените сили на Русија и на сириските владини трупи – изјави заменик-шефот на рускиот центар за помирување на Спротивните страни во Сирија, генерал-мајор Олег Јегоров на брифингот во понеделникот.
Убиени се 13 милитанти, меѓу кои и теренските команданти Абу Јусеф Ал Шами и Калед ал Јусеф (Абу Омар), додека уште 22 членови на терористичката група се тешко ранети – рече Јегоров, додавајќи дека се уништени и нивните објекти и штабови.
Пронајдете не на следниве мрежи:
