Четириесетгодишниот Бојан С. се обидел со истрели од пиштол да ја убие својата сопруга Гордана С.(37) во нивната куќа во Бечмен. Соседите слушнале три истрели, а четвртиот куршум се заглавил во цевката, по што Бојан себе си си го пресекол гркланот.
Со Брза помош е пренесен на реанимација, а неговата сопруга со повреди на подлактицата исто така е во Ургентниот центар. Според последните информации, Бојан е во тешка состојба и се наоѓа на интензивна нега.
Брачниот пар има син (13) и ќерка (10) кои присуствувале на хоророт. Како што се дознава Бојан С. се обидел да ги убие сопругата, мајката, па дури и децата.
Соседите изјавиле дека се работело за мирно семејство, кое досега немало никакви проблеми.