Во Либан загина израелски војник.

Потврдена е смртта на првиот израелски војник убиен во Либан од почетокот на копнената инвазија, пишува британски Би-Би-Си.

Израелските одбранбени сили (ИДФ) објавија во соопштение дека капетанот Ејтан Јицак Остер (22) е убиен во Либан во средата.

Според ИД, 22-годишникот бил командант на тим во единицата Егоз, елитна единица командоси специјализирана за герилска војна.

Инвазијата на израелските одбранбени сили (ИДФ) на јужен Либан, која беше лансирана синоќа, ја предводат 98-та дивизија и нејзиниот командант, бригадниот генерал Гај Леви, кој исто така ја предводи единицата командоси, единицата на специјалните сили Егоз, падобранските единици и 7-та тенковска бригада.

„Ерусалим пост“ наведува дека од декември 2023 година до март 2024 година, дивизијата 98 била одговорна за „кршењето на ‘рбетот“ на Хамас во Кан Јунис, каде што палестинската екстремистичка организација ја имала својата најсилна бригада.

Израелскиот весник пренесува што им рекол потполковникот „А“, командантот на Егоза, на војниците пред инвазијата на Либан.

– Имавме чест да пишуваме историја на север исто како што тоа го правевме во Појасот Газа. Почнавме со операции на ниско ниво, но сега започнуваме поконкретна инвазија за да го вратиме дома нашето северно население, бидејќи не сме го нападнале Либан од 2006 година. Верувам во вас и многу сум горд на вас и знам дека ќе продолжиме да пишуваме историја – изјави потполковникот „А“, чиј идентитет е скриен.