Уставниот суд ги отрфли сите иницијативи со кои се спореше системот „Безбеден град“.
„Безбеден град“ и измените на Законот за прекршоците не се косат со Уставот и нема основа за поништување на законските одредби, е ставот на мнозинството уставни судии.
Уставните судии расправаа по три иницијативи и тоа две од крилата на Алијанса за Албанците предводени од Зијадин Села и Арбен Таравари и една иницијатива поднесена од правникот Или Пачуку.
Се спореше тоа што системот „Безбеден град“ се применува само во три градови во државата и тоа што СМС пораките за сторен прекршок не се двојазични.
