Лидерот на опозициската СДСМ Венко Филипче вели дека нема да дозволи разединување на партијата одвнатре, а дека секое конструктивно мислење ќе го почитува.
Со секој еден којшто излегува во јавност да плука по оваа партија, да ја ситни, да ја дели, јас нема да го дозволам и апсолутно ќе се спротивставам на тоа. Секако конструктивно мислење ќе биде сослушано, ќе биде земено предвид, вратите се отворени за сите, но, не и на злонамерниците. Мислам дека веќе успеваме да ја разоткриеме оваа власт, каква е нивната суштина, корумпирана, криминогена и антиевропска. Граѓаните тоа го препознаа, рече Филипче на прес-конференција.
За најавите за формирање нова платформа, Филипче со став дека во позадина стои белата палата на ВМРО-ДПМНЕ.
– Вчера излезе некоја изјава дека има некаква Платформа од некои луѓе кои не сакаат ни да се потпишат. Имале, пишува таму гревови, кажуваат дека ВМРО-ДПМНЕ била најголема партија, дека опозицијата била раситнета. Што може да се очекува и што може да се позадината освен да е тоа пишувано во белата палата на ВМРО-ДПМНЕ и дадено на некои луѓе тоа да се презентира како некаква платформа, рече Филипче.
