ФСБ соопшти дека неколку лица се приведени во врска со нападот.
Руската ФСБ објави соопштение во кое се наведува дека „Главната разузнавачка управа на Министерството за одбрана на Украина стои зад нападот на мостот на Крим“.
– Приведени се и пет државјани на Русија, тројца државјани на Украина и Ерменија – стои во соопштението на ФСБ.
– Утврдено е дека организатор на терористичкиот напад на мостот на Крим бил Главната разузнавачка управа на Министерството за одбрана на Украина, нејзиниот началник Кирил Буданов, вработени и агенти – се вели во соопштението.
Да потсетиме, по експлозијата на мостот на Крим, рускиот претседател Владимир Путин ја обвини Украина за тероризам, а утринава руските сили извршија серија ракетни напади врз Киев и други украински градови.
Нападот се случил на 8 октомври, кога на мостот експлодирал камион, при што биле запалени седум цистерни со гориво во воз што минувал во тој момент.
Од експлозијата на камионот се урнати два патни делници од мостот на Крим, додека навигациските сводови не претрпеле никаква штета.
Пронајдете не на следниве мрежи:
