Професорот Љубомир Цуцуловски во свој стил ја прокоментира донацијата од германската Влада за македонското Министерство за внатрешни работи.
„ЕВАНГЕЛСКА ВЕСТ. Конечно и кај нас, во Република Македонија, стигна добра и радосна вест. Што значи, е в а н г е л с к а вест. Германската влада ѝ дарила (стручно и експертски речено: донирала) дури 351 пар чевли на македонската полиција. Сега, со сигурност, може да зачекориме во надоаѓачката и заслепувачка светла иднина. Башка, покрај обувките, биле донирани и полициски возила. За болнички/медицински возила, како и за друга болничка/медицинска помош, може малку и да се почека. Тоа и не е толку ургентно. Болните малку нека се стрпат.
П.С. Скептиците, и понатаму незадоволни, тврдат дека правда немало. Како немало? Ете, на пример, смениш име, добиеш цокула!“, напиша на својот профил на Фејсбук Цуцуловски.
