Младата пејачка Анастасија Ражнатовиќ е бремена во четвртиот месец и моментално е во Шпанија, каде што живее заедно со нејзиниот избраник Немања Гудељ.
Како што двојката веќе откри, тие за неколку месеци ќе станат родители на девојче а фудбалерот и приреди прекрасно изненадување на својата вереница на нејзиниот роденден.
Немања ја изненади Анастасија со торта, плишани играчки и балони.
– Те сакам – напиша таа во описот на фотографијата, а можеше да се види и дел од луксузниот дом во кој живеат Немања и Анастасија во Севиља.
Тие во неколку наврати споделија фотографии од домот во Севиља, а фановите останаа воодушевени од деловите од луксузната вила чија приватност е максимално загарантирана, бидејќи дворот е опкружен со висока бетонска ограда.
Немања Гудељ е еден од најуспешните српски фудбалери. Моментално настапува за шпанска Севиља, а е и дел од српската репрезентација.
Гудељ не е мајстор за скандали и вљубеник во ноќниот живот, но претходно го поврзуваа со поп ѕвездата и колешка на Анастасија, Сања Вучиќ. Двајцата ја криеја својата врска, а потоа пред неколку месеци таа потврди дека се работи за познат фудбалер од Србија.
Гудељ обожава тетовирање, а целото тело му е покриено со тетоважи. Последната тетоважа ја направи во Севиља каде моментално настапува за истоимениот клуб – три крста на грбот.
Дечкото на Анастасија е на врвот на листата на најплатени српски фудбалери. Неговата годишна плата во Севиља е 5.650.000 евра.
