Јадење кое мириса на лето: Млади компирчиња со сенф и рузмарин

Доаѓа сезоната на младите компирчиња, а овој рецепт дефинитивно ќе ве воодушеви вам, но и вашите најблиски.
Потребни состојки:
• млад компир – количина по потреба
• морска сол – по вкус
• бибер – по вкус
• маслиново масло
• 1 лажица сенф
• 1 лажица мед
• рузмарин


Начин на припрема:
1. Загрејте ја рерната на 200 Целзиусови степени. Измијте ги компирите и исушете ги, а тавата обложете ја со хартија за печење.
2. Пресечете ги компирите на половина (ако се поситни) или на четвртини (ако се покрупни), ставете ги во тавата, посолете ги и зачинете со бибер.
3. Од гранчињата извадете ги игличките рузмарин, исечкајте ги ситно и ставете ги врз компирите.
4. Во посебна чинија измешајте сенф, мед и маслиново масло и со ваквата смеса прелијте ги компирите, а потоа сето тоа добро измешајте го (најдобро со раце за да се нанесе смесата рамномерно).
5. Ставете го компирот во рерна и печете околу 45 минути (зависи од јачината на рерната). По 25 минути, промешајте го малку компирот и вратете го во рерна.
6. Готовиот компир послужете го додека е топол, како прилог со пилешко месо, бифтек или јунешко месо.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.