ЏЕК Николсон на 22 април наполни 87 години, а актерот практично со години не ја напушта куќата. Многу ретко се појавува во јавноста, па во последните неколку години беше виден само три пати на натпреварите во НБА, а последен пат беше во мај 2023 година.Постојат бројни извештаи дека здравјето на холивудската легенда е сериозно нарушено, па дури и боледува од деменција. Дури и неговите најблиски пријатели се загрижени, пред се затоа што „повеќе не излегува од дома“ и стравуваат дека ќе умре сам и напуштен.Имено, Џек Николсон поголемиот дел од времето го поминува во својата луксузна палата во Беверли Хилс, но живее многу затскриен живот и контактира само со своите деца. “Тој јасно им стави до знаење на сите дека неговиот дом е неговиот замок. Но, луѓето само сакаат тој да излезе од куќата и да се појави за да им каже дека е добро”, изјави извор за Радар онлајн минатата година.„Џек е во контакт со неколку членови на семејството, особено со неговиот син Реј, но неговите денови на дружење одамна поминаа“, додава друг извор за истиот магазин.Слични наводи изнесе и друг неименуван извор, кој го спореди со починатиот актер Марлон Брандо, кој беше првиот сосед и близок пријател на Џек. “Брандо умре како осаменик, а пријателите на Џек сега ги споредуваат двајцата. Да, неговите деца го посетуваат, но тие се неговата единствена врска со светот. Како да не сака повеќе да се соочи со реалноста и тоа е само тажно”. Да потсетиме дека Николсон се повлече од светот на актерството во 2010 година, а уште тогаш се зборуваше дека има проблеми со меморијата и дека повеќе не може да се сеќава на репликите што му се бараат. Иако оттогаш живее далеку од рефлекторите, неговата самоизолација беше екстремна во последните неколку години, а токму тоа ги загрижи неговите пријатели и познаници.Одредени упатени укажуваат дека „умот му згаснува“, но фактичката состојба на неговите когнитивни способности остана непозната за пошироката јавност. Во многу ретките прилики кога се појавуваше во јавноста, на споменатите натпревари во НБА, од фотографиите не може да се забележи каква е неговата психичка состојба.