Во натпревар исполнет со емоции и неизвесност, македонската фудбалска репрезентација одигра 1:1 против силната Белгија во квалификациите за Светското првенство 2026. Иако Белгија поведе во 28. минута преку Максим Де Кујпер, македонските фудбалери не се предадоа. Во 86. минута, Езѓан Алиоски со спектакуларен удар од левата страна на шеснаесетникот ја затресе мрежата на Белгија, израмнувајќи го резултатот и донесувајќи голема радост на домашните навивачи.
Maxim De Cuyper | 🇲🇰 North Macedonia 0-1 Belgium 🇧🇪 pic.twitter.com/SwSvqwFKss— JONERO♏♂️ (@JONERO10) June 6, 2025
Натпреварот се одигра на Националната арена „Тодор Проески“ во Скопје, каде што македонските фудбалери покажаа борбеност и дисциплина. И покрај доминацијата на Белгија во поседот на топката (67.9% наспроти 32.1%), Македонија создаде неколку опасни шанси, вклучувајќи и погодокот на Алиоски .

Alioski | 🇲🇰 North Macedonia 1-1 Belgium 🇧🇪pic.twitter.com/ybXCENcAVI

— Goals Xtra (@GoalsXtra) June 6, 2025

Со овој резултат, Македонија останува непоразена во последните осум натпревари, додека Белгија започнува со реми во својата прва квалификациска средба . Следниот предизвик за Македонија ќе биде натпреварот против Казахстан, каде што ќе се обидат да продолжат со позитивниот резултатски низ.Оваа средба покажа дека со срце, дисциплина и поддршка од публиката, Македонија може да се носи со најдобрите фудбалски нации.

Пронајдете не на следниве мрежи:

• 
• 
• 
• 
• 
•