„Мислев дека сонувам, не сакам ни да помислам што ќе се случеше доколку моето милениче не ме разбудеше на време“ – вели сè уште видно вознемирената мајка.
Тес Гутри (22), млада мајка од Австралија ја доживеала најлошата ноќ во својот живот откако се разбудила кога мачорот се качил во нејзиниот кревет и забележала дека огромен питон е завиткан околу раката на нејзината ќерка.
„Кога мачорот ми се качи во кревет, посегнав по телефонот да видам колку е часот. Но кога светлото од мобилниот ја осветли собата видов нешто ужасно. Питон, кој сигурно беше долг околу метар и половина, беше завиткан околу раката на мојата ќерка, не знаев што да правам, првата мисла ми беше – ќе ми умре детето.“-раскажува таа.
Зара, ќерката на Тес започнала да вреска додека крв и се слевала по раката. По неа врескала и самата Тас. Неколку луѓе кои се разбудиле по врисоците дошле на помош и успеале да го ослободат девојчето, на кое му била укажана итна медицинска помош и сега е во добра состојба.
Змијата е вратена во природата затоа што според стручњаците за животни таа не сакала да го повреди девојчето, туку имала потреба од „прегратка“. Оваа нивна идеја можеби и не е толку неверојатна ако се сетиме на многуте случаи кои говорат за тоа дека на децата најдобар пријател им е боата.
Пронајдете не на следниве мрежи: