Упад во Министерството за одбрана во Атина

Loading...

Повеќе десетици работници на едно бродоградилиште упаднаа во четвртокот во зградата на Министерството за одбрана во центарот на Атина , затоа што со месеци не зеле плата, а редовно извршуваат работи за војската. 

Демонстрантите ја провалиле вратата и влегле во дворот на воениот комплекс, а потоа го блокирале главниот влез во зградата на Министерството за одбрана.

Бидејќи војниците кои ја обезбедуваат зградата не можеле да ги сопрат работниците, а началникот на генералштабот генералот Михалис Костаракос  не успеал да ги убеди работниците да излезат од воениот комплекс, на помош е повикана специјалната единица на полицијата.

Работниците не сакале да се повлечат ни по доаѓањето на полицијата и набрзо дошло до жесток судир во кој, според првичните информации, имало повредени на двете страни.

Атина, 04.10.2012 (Макфакс)

loading...
Loading...