Албанската полиција во петокот навечер во јужниот дел на земјата заплени еден тон дрога од типот марихуана, соопшти албанското МВР.
Дрогата била откриена на Граничниот премин „Какавија“ меѓу Албанија и Грција во една цистерна за превоз на нафта на фирмата „Леарти транс“ од Албанија. Во акцијата уапсен е возачот Олси Берхами, инаку албански државјанин. Во цистерните имало додадени посебни кабини каде биле сместени пакувањата со дрога . Само во петокот во три различни акции во јужниот дел од Албанија и на самата граница со Грција беа запленети над 1,3 тони марихуана произведена во Албанија, а наменета за грчкиот нарко пазар.
Макфакс
