За многу жени, еден од најголемите предизвици е како да не пукаат најлонските чорапи за време и веднаш по нивното носење. Со овие пет едноставни трикови, постои можност вашите најлони да траат подолго.
Пред да продолжите со тоа како да ги носите и што да направите за да не пукаат, важно е да знаете дека основното правило е да изберете чорапи со соодветна големина. Секогаш проверувајте ја големината на полето во табелата со големини. Ако изберете мали чорапи, постои голема веројатност брзо да се оштетат, а ако купите големи, нема да изгледаат убаво на вашите нозе.
Има неколку работи што треба да ги имате на ум кога навлекувате најлонски хулахопки на нозете.
1. Намачкајте ги рацете и стапалата со крема и негувајте ги ноктите
Препорачливо е да нанесете крем или лосион на рацете и нозете пред да носите чорапи, за да бидат мазни и да не ги оштетат чувствителните нишки. Погрижете се вашите нокти на рацете и нозете да немаат остри врвови со кои можете да ги раскинете.
2. Соблечете го накитот
Пред да почнете да носите најлонски чорапи, извадете ги прстените и нараквиците, како и часовникот. Ова ги штити најлоните да не можат да ги „закачат“.
3. Облечете ги внимателно
Кога ќе почнете да ги носите, не ги влечете нагло, туку повлечете ги полека и внимателно за да не ги оштетите.
4. Проверете ја внатрешноста на чевелот
Секогаш проверувајте ја внатрешната страна на чевлите што имате намера да ги носите, бидејќи може да имаат некои нерамнини на кои можете да го закачите чорапот. Доколку се случи малку да пукнат, посегнете по проѕирен лак, за да не се прошири пукнатината.
5. Помага и замрзнувањето
Стилистката Денис Колдвел вели дека замрзнувањето на најлоните ја зачувува бојата, го спречува создавањето на топчиња на нив и ги одбива влакната, за кои често се знае дека се лепат до нив. Овој трик помага и кај мрежести чорапи.
За уште поголема отпорност, натопете ги, ставете ги во замрзнувач пред првата употреба и оставете ги таму преку ноќ. Според Дениз, температурите под нулата ја зајакнуваат ткаенината. Студот делува на молекулите во нишките така што по одмрзнувањето и враќањето на собна температура тие стануваат поотпорни на оштетување.
