Урмите имаат широк спектар на здравствени придобивки, и се сметаат за најздраво овошје! Подолу се пет причини да ги вклучите во вашата исхрана
Ова вкусно овошје потекнува од регионот кој се протега помеѓу Египет и Југозападна Азија, и е главен производ на Блискиот Исток илјадници години. Тие се идеална замена за слатките, а еве зошто треба да се најдат на вашето мени.

Урми и здравје – пет причини да ги вклучите во вашата исхрана
Богата со хранливи материи
Три урми обезбедуваат околу 200 калории и 54 грама јаглени хидрати со околу 5 грама влакна. Тие вклучуваат витамини од групата Б, витамин К, калциум, железо, магнезиум, калиум, цинк и манган.

Урми и антиоксиданси
Покрај содржината на витамини и минерали, урмите се богати и со антиоксиданси. Тие се одличен извор на природни антиоксиданси, кои можат да се користат за борба против болести поврзани со оксидативниот стрес. Оксидативниот стрес се јавува кога постои нерамнотежа помеѓу производството на слободните радикали кои ги оштетуваат клетките и способноста на телото да се спротивстави на нивните штетни ефекти. Урмите содржат и антиинфламаторни и антимикробни соединенија, што значи дека играат улога во борбата против заразните болести.

Урмите се природно слатки
Многу луѓе мислат дека урмите се сушено овошје, но тие всушност се свежо овошје. Бидејќи тие се необработени, шеќерот се јавува природно.

Урми и дигестивно здравје
Според истражувањата, три урми обезбедуваат околу 18% од дневниот внес на влакна, што ја поддржува добрата дигестивна функција.

Го намалуваат холестеролот
Урмите имаат способност да го намалат нивото на ЛДЛ, несаканиот холестерол во организмот. Тие се одлична храна за оние кои имаат висок холестерол, кој подоцна може да доведе до масни наслаги и бројни кардиоваскуларни проблеми.