Нова победа на ЛА Лејкерс, пораз на Мајами

Loading...

Пет натпревари се одиграа во ноќта што измина во НБА лигата, во нив ЛА Лејкерси ја забележаа втората последовна победа, додека шампионот Мајами загуби од Мемфис.

Лејкерси ја забележаа и втората победа со привремениот тренер, „езерџиите“ го победија Сакраменто со 103.90. Двајт Хауард (23 поени, 18 скокови, 3 блокади) и Коби Брајант (20 поени, 6 скока, асистенции) и предводеа Лејкерси до третата сезонска победа, во која Мета Ворлд Пис и Пау Гасол постигнаа по 18 поени.
Мајами запиша убедлив пораз во Мемфис 104:86, во редовите на шампионот само двајца кошаркари постигнаа двоцифрен број на поени – Крис Бош 22 поени и 8 скока и Леброн Џејмс 20 поени, 10 скок и 6 асистенции. Мемфис до победата го предводеа Вејн Елингтон (25 поени), Руди Геј (21 поен, 8 скокови, 5 асистенции) и Зак Рендолф (18 поени и 12 скокови).
Вицепрвакот Оклахома без проблеми се справи со екипата на Кливленд. Расел Вестбрук постигна 27, а Кевин Дурент поен помалку во победата на Оклахома со 106:91.
Тимската игра на ЛА Клиперс беше клучна за победата над Атланта 89:76. Шестмина кошаркари кај Клиперси постигнаа двоцифрен број на поени, најефикасни со по 15 поени реализираа Блејк Грифин и Крис Пол.
Бруклин Нетс ја забележаа третата победа во сезоната откако со 82:74 го совладаа Орландо. Брук Лопез постигна 20 поени, а Крис Хемфрис имаше учинок од 14 поени и 21 скок, кај Орландо се истакна Глен Дејвис со 19 поени.

Макфакс

Погледнете ги следниве статии

Џексон и Д’Ентони во прв план за клупата на Лејкерси

Фото/Видео: Хауард дебитираше за Лејкерси

Навивачите на Лејкерси го сакаат Фил Џексон за тренер

 

 

loading...
Loading...