Адриана Лима пленеше со својата убавина пред неколку дена на големата писта на модниот спектакл “Victoria's Secret”, каде таа блесна како најголема ѕвезда. Освен успешната кариера и идеалното тело, таа е среќно омажена за српскиот кошаркар Марко Јариќ, со кој сега има две ќерки. На пистата се врати само 2 месеци откако ја роди Сиена. Адриана вели дека има голема поддршка од Марко во се што прави. Тој често ја изненадува со доаѓање на нејзините ревии. 

“Неколку дена пред ревијата мислев дека нема да издржам ниту физички, а ниту психички. Немав сила… Звучеше невозможно да учествувам оваа година, но фала му на Бога што успеав, сега сум многу среќна.” – вели згодната Бразила која призна и дека со денови била на ригорозна диета, конзумирала само тестенини и многу течности.