Денеска во Кочани беше одржана Тркалезна маса на која беше презентирана Специфичната кампања во Источен плански регион за придобивките од заштитени подрачја. Кампањата е подготвена во рамки на Програмата за зачувување на природата во Македонија (ПЗП) – проект на Швајцарската агенција за развој и соработка (SDC) кој е координиран од Helvetas Swiss Intercooperation и Фармахем. Стратешки партнер на Програмата за зачувување на природата во Македонија е Центарот за развој на Источен плански регион.
На средбата присуствуваа градоначалниците на општините од Источниот плански регион, како и градоначалникот на Општина Ресен.
На Тркалезната маса свои излагања имаа Драгица Здравева, Директор на Центар за развој на Источен плански регион која се осврна на улогата и значењето на оваа програма за регионот како и улогата на Центарот во истата.
Претседателот на Советот за развој на Источен плански регион и Градоначалник на Општина Кочани, Г-дин Ратко Димитровски пак акцентот го стави на локалниот развој и можностите што програмата ги нуди.
Како пример за успешно спроведување на заштитено подрачје свои излагање имаше градоначалникот на Општина Ресен, Г-дин Ѓоко Стрезовски, кој потенцираше дека преку спроведување на Пограмата за заштина во неговата Општина значително е подобрена состојбата како и квалитетот на живот на жителите на истата.
На оваа средба учество земаа и Марјана Шушлевска – Национален тим лидер на ПЗП, Фармахем, Станислава Додева – Национален програмски советник во Амбасада на Швајцарија во Р. Македонија, Владо Атанасовски – Министерството за Животна средина и просторно планирање, Сектор за природа и Јане Стефанов – Концепт експерт на Специфична кампања во ИПР за придобивките од прогласување на заштитени подрачја
Сите присутни активно учествуваа во дебатата на тема „РЕГИОНАЛНИОТ РАЗВОЈ И ЗАШТИТЕНИТЕ ПОДРАЧЈА“.
Инаку кампањата чија цел е на жителите на Источниот регион да им ги доближи придобивките од зачувување на природата ќе трае до крајот на 2016 година а нејзиното мото е „УТРЕ Е ДЕНЕС“.
На средбата присуствуваа градоначалниците на општините од Источниот плански регион, како и градоначалникот на Општина Ресен.
