Многу луѓе мислат дека ракот е проблем само кај старите луѓе, односно дека таа опасна болест напаѓа во доцниот животен стадиум. Во поголемиот дел од случаите тоа е точно, но треба да знаете дека од рак заболуваат и помлади лица. Ова се знаци кои предупредуваат на рак а кои луѓето често ги игнорираат.Необјасниво губење на тежината
На многу жени, но и мажи би им било мило за кратко време, сосема непланирано и без многу мака да изгубат во тежина. Но, необјасниво и изненадно губење на тежината, без зголемен интензитет на вежбање и телесни активности, или помалку внес на храна во организмот, треба да се провери. Необјаснивите слабеења често се поврзуваат со рак. Постојат и други објаснувања, како на пример преактивно работење на тироидната жлезда и уште некои, но секако пожелно е да се обратите на лекар и да си направите преглед. Замолете го лекарот да ја провери работата на тироидната жлезда. Лекарот ќе најде објаснување за настанатото губење на тежината.
Подуеност
Подуеноста е толку вообичаена појава што многу жени тоа го прифаќаат како нешто најнормално. Надуеноста пак може да се поврзе со рак на јајниците. Останатите симптоми на рак на јајници вклучуваат болка во стомакот, чувство на ситост дури и кога не сте јаделе премногу и уринарни проблеми.
Ако подуеноста се јавува скоро секој ден и трае повеќе од неколку недели, посоветувајте се со лекар.
Промена кај градите
Поголемиот број од жените добро си ги познаваат своите гради, дури и ако не се прегледуваат често. Грутката во гради не е единствениот симптом кој би мжел да укаже на рак. Црвенило и задебелена кожа на градата може да укажува на многу редок, но агресивен облик на рак на дојка. Токму поради тоа, секоја промена на кожата треба да биде проверена, дури и ако имате осип кој трае неколку недели треба да се јавите на лекар.
Исто така ако изгледот на брадавицата е променет или ако забележите исцедок (а не доите) посетете лекар.
Ако брадавиците ви се нормални, и одеднаш станат повлечени, тоа не е добар знак. Таа промена во изгледот може да биде загрижувачки симптом. Ако имате промени во дојките, лекарот ќе ве прегледа и може ќе ве прати на мамографија, ултразвук а можеби и биопсија.
Крварење помеѓу циклусот
Жените во доба на менопауза често го занемаруваат крварењето помеѓу периодите за циклус. Исто така имаат тенденција да ги занемарат крварењата од дигестивниот тракт. Но крварењето помеѓу циклусите, особено ако имате редовен циклус, треба да се провери. Крварење после менопаузата може да биде знак на ендометрија. Крварење од дигестивниот систем може да биде симптом за карцином на дебелото црево. Ако жената никогаш нема крварење помеѓу менструалниот циклус, тогаш појавата е ненормална за неа. За некој друг можеби нема да биде. Најмалку ¾ од жените кои добиле рак на ендометриумот имале абнормално крварење како ран симптом. Вашиот лекар, зависно од времето на крварење и други симптоми, веројатно ќе ви предложи ултразвук или биопсија. Необјасниво губење на тежината
На многу жени, но и мажи би им било мило за кратко време, сосема непланирано и без многу ма
