Според овој рецепт ќе подготвите брзи и вкусни мекици.
Потребно:
1/2 л. млеко
околу 1 кг. брашно
пола квасец
2 јајца
100 мл. зејтин
1 мала лаж. сол
1 мала лаж. шеќер
Подготовка:
1. Млекото го затоплуваме, ама да не биде врело.
2. Во длабок сад за месење, квацесот се растопува во млако млеко и се додаваат јајца, зејтин, сол и шеќер.
3. Во смесата додаваме брашно онолку колку што е потребно за да се замеси тесто, отприлика потребно е околу 1 кг. брашно.
4. Тестото убаво се замесува и се остава да стои додека да нарасне.
5. Откако ќе нарасне, се кине од тестото топче (големо колку јајце) и со рака се развлекува да му се даде долгнавеста форма, (форма на мекица).
6. Во загреано масло се пржат мекиците додека да добијат убава златна боја.
Со домат и сирење, мекиците се идеални за појадок.
