На конференцијата која се одржа во Берлин, каде домаќини беа францускиот претседател Макрон и германската канцеларка Меркел, земјите од Западен Балкан добиле разочарувачки пораки пишува “Фајненшл тајмс“, во анализата насловена “Франција и Германија со студен туш кон балканските надежи за итно пристапување во ЕУ“.Германската канцеларка Ангела Меркел и францускиот претседател Емануел Макрон отворено им порачале на делегатите од шесте земји дека мали се шансите наскоро да и се придружат на Европската унија и дека прво треба да ги средат внатрешните работи во своите земји, пишува весникот.
Макрон се фокусирал на потребата од политичка стабилност во регионот, велејќи дека Париз ќе пружи помош во клучните економски, социјални, безбедносни реформи, како и во областа на владеење на правото, а не преку процесот на проширување, пишува “Фајненшл тамјс“.
– Ќе работиме заедно на стабилноста на регионот. Од 2000 ние се повлековме од регионот, но денес сакаме да работиме заедно“, рече Макрон пред средбата во Берлин со лидерите на Албанија, Босна и Херцеговина, Црна Гора, Северна Македонија, Србија и Косово.
