Во Град Скопје во пресрет на бурата “Андреа“ што се очекува да го зафати регионот во наредните денови и да донесе обилни врнежи од дожд со количина од 50 до 80 милиметри на метар квадратен заседаваше вонредниот кризен штаб со кој што претседаваше Душко Весковски, директор на ЈП “Водовод и канализација“.
Како што соопшти Град Скопје на состанокот беа координирани активностите и се поделија обврските помеѓу јавните претпријатија, противпожарната бригада, инспекциските служби, и останатите општински и државни институции. Екипите на “Водовод и канализација“ пред почетокот на бурата ги проверуваат шахтите и одводите на критичните точки низ градот, додека екипите на ЈП “Улици и патишта” главните одводни канали во Скопје.
Од Град Скопје апелираат на исклучување на пумпите на градежните јами, а граѓаните да ги пријавуваат проблемите на 193 и да не паркираат под дрвореди и близу одводните канали. Дополнително, во случај на електрични празнења да не се претстојува на отворен простор и под осамени дрвја.
Градски кризен штаб: Скопје подготвено за бурата “Андреа“
