Киноата е супер храна поради корисните состојки и активните компоненти кои ги содржи. Не, не е помодарство да ја воведете во вашите оброци, туку постојат бројни причини за истото.
1. Киноата содржи флавоноиди, вклучувајќи ги кверцетинот и кампферолот. Тие влијаат против воспаленија и вирусни инфекции, но имаат и анти-канцерогени и анти-депресивни својства.
2. Не содржи глутен и е одлична намирница која може да се вклучи во исхраната на оние кои се интолерантни на глутен.
3. 100g незготевена киноа содржи 10 до 16 грама билни влакна, што е многу повеќе од повеќето житарки.
4. Киноата е одличен извор на протеини (100g киноа содржи 4,5g протеини), и за разлика од останатите житарки ги содржи сите есенцијални аминокиселини.
5. Богата е со калиум, цинк, железо и магнезиум.
6. Истражувањата направени кај луѓе и стаорци покажуваат дека киноата може да ја подобри работата на метаболизмот и да го намали нивото на глукоза, инсулин и триглицериди во крвта.
7. Високата содржина на билни влакна, протени и релативно нискиот гликемиски индекс е добра комбинација во борбата против дебелината.
Како да ја подготвите?
Прелијте ја со ладна вода и ставете ја на шпорет да почне да врие. Кога ќе почне да врие, намалете ја температурата, поклопете ја со капак и оставете ја да се вари на тивко 12-15 минути.
Може да ја користите во салати, во супи и чорби, како замена за бело брашно или како каша за појадок
