Доматите се плод на топли поднебја и ако се чуваат на температура пониска од десет степени доаѓа до распаѓање на клетките внатре во плодот и голема загуба на аромата.
Повеќето луѓе по купувањето, овие вкусни плодови ги ставаат во фрижидер, верувајќи дека така подолго ќе останат свежи и вкусни. Но, вистината е токму спротивното, велат научниците од француското земјоделско здружение.
Тие со бројни тестови потврдија дека поради стоењето во фрижидер, доматите многу порано стануваат меки и го губат вкусот.
Доматите потекнуваат од поднебја со топли клими, а чувањето во фрижидер во нив предизвикува хемиски промени кои предизвикуваат распаѓање на клетките. Тоа се случува на температури пониски од 10 степени – додека повеќето фрижидери се поставени на темепература од околу два до шест степени.
Тогаш ослабува аромата на доматите, а кората станува збрчкана и текстурата на самиот плод е мека, особено ако во фрижидер стојат повеќе од два дена.
Сепак, научниците истакнуваат дека ако веќе сте купиле меки и презрели домати, тогаш ставањето во фрижидер неколку часа пред послужување е добра идеја, бидејќи студот ќе предизвика непосреден хемиски ефект на „стврднување“ на доматите. Но, во тој случај, ќе се случи спротивното ако во фрижидер останат подолго.
