Цветовите од карфиол прелиени со вегански крем сос се совршен прилог или главно јадење. А еве и како да го подготвите овој специјалитет.
Вегански рецепт: здрав карфиол во облик на „Mac and Cheese“
Потребни состојки:
1 главица карфиол, разделен на цветови
240 мл незасладено бадемово млеко
150 г млади моркови
65 г ореви
2 лажички сув квасец
2 лажички сенф
1 лажичка мелен бибер
1/2 лажичка лук во прав
1/2 лажичка кромид во прав
1 лажичка сол
Начин на подготовка:
Ставете во тенџере на оган 500 мл вода и оставете водата да зоврие.
Додадете ги цветовите карфиол, покријте ги со капак и оставете ги да се варат 10 минути за да омекнат. Исцедете ги и тргнете ги на страна.
Измешајте ги оревите и морковите и залијте ги со вода. Варете ги на ниска температура 10-12 минути или додека морковите не омекнат.
Ставете ги оревите и морковите во блендер, додајте го бадемовото млеко, сувиот квасец, сенфот, кромидот и лукот во прав, биберот и морската сол. Промешајте додека смесата не стане мазна и кремаста.
Додајте го карфиолот во сосот, измешајте и сервирајте.
