На сите нам ни е добро познато дека лососот е одличен извор на омега-3 масни киселини кои се од особена важност за нормалното функционирање на организмот. Тие претставуваат суштински дел од мембраната на нервните клетки и ја овозможуваат правилната распределба на хранливите материи во организмот.
Прсти да излижете: Рецепт за печен лосос во маринада од виски
Не пропуштајте го нашиот рецепт за печен лосос во маринада со виски кој сигурно го немате пробано досега!
Потребни состојки:
600 грама лосос
600 милилитри виски
3 лажици кокосов шеќер
1 лажица јаворов сируп или мед
1 лажичка рендан ѓумбир
1 лажичка рендан лук
½ стебленце млад кромид
сол и бибер по желба
растително масло
сусам
Начин на подготовка:
- Измешајте го тамари сосот со вискито, шеќерот, јаворовиот сируп, ренданиот ѓумбир, лукот и младиот кромид. Тргнете ја смесата настрана.
- Поделете го лососот на четири филети и додадете сол и бибер по желба од двете страни.
- Во добро загреана тава загрејте малку масло, па пропржете го лососот од двете страни. За ова ќе ви бидат доволни две до четири минути, во зависност од дебелината на филетите.
- Пред целосно да се испече лососот, со лажица додадете од маринадата. Послужете го лососот уште додека е топол, а врз него посипете сусам. На здравје!
Откако го прочитавте нашиот рецепт за печен лосос, можеби ќе сакате да го прочитате и нашиот едноставен трик за совршен лосос.
