Општо прифатен факт е дека љубовта не познава граници. Пол, раса, култура, па дури и возраст. Сепак, оваа љубовна приказна е многу необична не само по параметарот на границите, туку и по начинот на кој е создадена љубовта.
Ричард Гир (72), кој навлезе во oсмата деценија, во јавноста е познат како голем холивудски заводник кој зад себе има два пропаднати брака и безброј врски со најголемите светски убавици. Но, тој сега се „смири“, благодарение на убавата Шпанка Алехандра Силва Фридланд.
Гир се ожени со Алехандра во 2018 година и оттогаш имаат две деца. Меѓу нив има доста голема разлика во години – актерот е дури 33 години постар од сопругата.
Но, како што објаснивме на почетокот, годините не се единствениот факт што отскокнува од „вообичаеното“, туку и необичната приказна за нивното запознавање. Имено, парот всушност првпат се запознал кога Алехандра била мало девојче, бидејќи Гир била пријателка на нејзиното семејство. Силва е ќерка на Игнасио Силва, бизнисмен и поранешен потпретседател на фудбалскиот клуб Реал Мадрид.
Тие повторно се поврзале во 2014 година во хотелот со кој управува Алехандра – Тревил во Позитано, Италија. Ги собра заеднички пријател и двајцата веднаш почувствуваа „многу силна врска“.
Алехандра рекла дека актерот и праќал цвеќе додека не се согласила да оди на состанок со него.
И двајцата минуваа низ развод кога првпат се запознаа. Алехандра има син од претходниот брак, како и Ричард. Откако се заљубила во Ричард, Алехандра преминала во будизам и се преселила во Њујорк.
Ќе му бидам вечно благодарна. Нема сомнение, благодарение на будизмот, мојот живот се промени – објасни таа и продолжи – Љубовните приказни со комплициран почеток, во кои заедно треба да ги надминете тешкотиите, можат да ве зближат… Сигурно во одреден момент сум се посомневала. Отпрвин тој беше поубеден од мене. Но, уште од самиот почеток чувствувавме дека треба да бидеме заедно – рече таа.
Јас сум најсреќниот човек во универзумот. Како да не бидам? Оженет сум со убава жена која е паметна, чувствителна, посветена да им помага на луѓето, смешна, трпелива, простувачка, одлична готвачка и ги прави најдобрите салати на светот. Алехандра медитира, таа е вегетаријанка, одлична мајка, има допир на ангел… а исто така е Шпанка: земја на кралевите и кралиците, Сервантес и Буњуел… Подобро од тоа не може – сподели Гир.
Алехандра зборуваше и за разликата во годините меѓу нив.
Во овој живот мораше да биде така. Ми вети барем 20 добри години! Морам да признаам дека има многу повеќе енергија од мене, многу е поактивен. Тешко ми е да го следам – изјави таа за Хело.
Пронајдете не на следниве мрежи:
