ХЕЛСИНКИ – Денеска, активисти на Гринпис ја блокираа испораката на руски гас на терминалот за течен природен гас во Торни во северна Финска, соопштија корисниците на терминалите и еколошката организација.
„Тоа е товар со течен природен гас од Русија“, изјави за АФП Олга Ваисанен, портпаролка на финската групација Гасум, увозник на блокираната пратка.
Директорот на Manga LNG, кој управува со терминалот, Мика Колехмаинен, изјави за AFP дека акцијата започнала околу 7 часот по локално време.
Тој рече дека активистите се искачиле на товарните гранки и дека двата брода се надвор од терминалот, во близина на шведската граница.
Минатата недела, активисти на Гринпис, исто така, ја блокираа испораката на руски гас на терминал за природен гас во близина на Стокхолм, Шведска.
„Целосно е неприфатливо рускиот гас сè уште да циркулира во Финска, повеќе од шест месеци по почетокот на инвазијата на Путин на Украина“, рече во изјавата на активистот на Гринпис, Оли Таинен, пренесе Бета.
Тој додаде дека финската влада и премиерката Сана Марин треба веднаш да го забранат секој увоз на руски фосилни горива.
Засега нема европски санкции за увоз на гас од Русија, санкции се воведени само за нафтата и јагленот.
Минатата среда, сепак, се зголемија тензиите меѓу Москва и ЕУ поради испораките на руски гас, бидејќи рускиот претседател Владимир Путин се закани дека ќе ги прекине сите испораки на гас доколку се воведе ограничувањето на цената што го најави Брисел тој ден.
Во мај, Русија ја прекина испораката на гас во Финска, наведувајќи проблеми со плаќањата, но рускиот течен природен гас продолжува да се испорачува со брод.
Пронајдете не на следниве мрежи:
