„Јас сум амбициозна во моите желби. Мислам дека треба да станеме дел од Европската унија до крајот на оваа деценија“, рече Санду, цитирана од државната телевизија „Молдавија-1“.

ЕУ во јуни на Молдавија и додели кандидатски статус. Тоа беше дипломатски триумф за Санду, чија земја е една од најсиромашните во Европа.

Новиот министер за економија на Молдавија, Думитру Алаиба, овој месец изјави дека планира долгорочни реформи за да ги постави темелите за бизнис ориентирана економија и да го забрза влезот на Молдавија во ЕУ.