Голема трагедија се случила во Бразил откако три талентирани фудбалери од младинската школа на клубот Еспорте клуб Вила Марија Хелена и еден тренер загинале, а 29 други се повредени откако автобусот со кој се возеле излетал од мост и се превртел во реката.

Според бразилски „О’Глобо“ во автобусот имало 28 фудбалери од младонско-пионерската школа на клубот на возраст од 14 до 17 години, четворица тренери и возачот на автобусот. Првичните информации од полицијата се дека возачот изгубил контрола над автобусот и излетал од мостот, па паднал во реката.