понеделник, 16 ноември 2026
Најново

Црна Гора сака да стане полноправна членка на ЕУ до 2028 година

Претпочитан извор Додај го Пулс24 во твоите извори на Google Додај

Црна Гора, како долгогодишен лидер во европските интеграции, сака да го заврши процесот и да стане полноправна членка на ЕУ до 2028 година, изјави денеска претседателот Јаков Милатовиќ на средбата со амбасадорите на Квинте во ОБСЕ.

Милатовиќ ги запозна амбасадорите со надворешно-политичките приоритети, кои се засноваат на аспирациите Црна Гора да стане првата следна членка на ЕУ, да го зајакне својот кредибилитет како членка на НАТО, за натамошно подобрување на добрососедската соработка, како и нејзината позиција. во мултилатерални рамки.

ПУЛС24.МК - 14 ГОДИНИ

Видливи се резултатите што ги постигна нашата земја во претходниот период на полето на владеењето на правото и независноста на институциите, а добивањето на ИБАР би било дополнителен импулс за забрзување на нашиот европски пат“, рече Милатовиќ.

Кабинетот на шефот на црногорската држава соопшти дека на средбата била истакната важноста од поддршката на ОБСЕ на патот кон демократското созревање, особено кога станува збор за изборните реформи и подобрување на изборниот процес во Црна Гора.

Според извештаите, Милатовиќ ја искористил можноста да укаже на важноста од зајакнувањето на слободата на медиумите, како еден од темелите на секое демократско општество.

„Го поздравуваме демократскиот и институционален напредок на Црна Гора, порачаа амбасадорите на ОБСЕ и изјавија дека ќе продолжат да даваат силна поддршка на реформските процеси во Црна Гора.


Поврзани вести