Грчкиот премиер Киријакос Мицотакис изјави дека „патот кон Европа и напредокот“ за Македонија минува низ Атина и може да биде пресечен.

Тој го нарече „незаконски и провокативен“ ставот на новоизбраната претседателка на РМ Гордана Силјановска-Давкова, пренесе ЕРТ.

Грчкиот премиер побара од неговата земја да ја искористи „автентичноста и квалитетот на своите македонски производи и услуги“ за да започне трговска контраофанзива што ќе го придружува нејзиниот дипломатски одговор.