Словенечката полиција доцна во вторникот поднесе кривична пријава против премиерот Роберт Голоб за наводно „мешање во полициските работи“, пишува Политико.

Извештајот доставен до Специјалното државно обвинителство се заснова на тврдењата на поранешната министерка за внатрешни работи Татјана Бобнар и поранешниот в.д. Иако не е објавена точната природа на кривичното дело споменато во извештајот, Голоб е обвинет за „корупциско злосторство“, пренесуваат медиумите.

Голоб ги отфрли обвинувањата во средата наутро, нарекувајќи ги „бизарни“ и изрази изненадување што полицијата поднела пријава против него.

„Реално, не се работи за мешање во работата на полицијата, туку за политичка борба која Татјана Бобнар ја води од нејзината оставка пред две години. Ова е за мојот збор против зборот на двајца политичари и за мене е навистина бизарно  што денеска зборуваме за полициски извештај поради тоа“, изјави Голоб.

„Исто така, верувам во владеење на правото и затоа ќе одговорам на сите обвинувања и ќе ги отфрлам преку правни средства“, додаде тој.

Бобнар, која моментално работи како советник на претседателот на Словенија, поднесе оставка од функцијата министер за внатрешни работи во декември 2022 година поради конфликт во кој го обвини Голоб дека вршел политички притисок врз неа за да влијае врз кадровските одлуки во полицијата, откако тој одбил да го продолжи мандатот на Линдав како полициски директор.

Кривичната пријава е резултат на двегодишна полициска истрага врз основа на обвинувањата на поранешниот министер. Специјалното државно обвинителство сега има можност да поднесе обвинение, да започне истрага за собирање дополнителни докази или да го отфрли извештајот.