Рускиот претседател Владимир Путин изјави дека е уверен во целосно ослободување на регионот Курск од украинската армија.

„Ќе ја исчистиме оваа територија“, рече рускиот лидер во разговор со претставници на младински волонтерски организации.

На Денот на националното единство, Владимир Путин положи цвеќе на споменикот на Кузма Минин и Дмитриј Пожарски на Црвениот плоштад во Москва, каде што разговараше со млади членови на јавните и младинските организации.

На Путин му се обрати и една млада девојка од Доњецк, чиј татко е убиен во зоната за специјална воена операција.

“Тој беше командант на батаљонот. Во тоа време, случајно, иако не верувам во случајности, гледав во споменикот на ослободителите на регионот Доњецк. Баба ми ми ја кажа тажната вест и во тој момент Сфатив дека сакам да и служам на мојата земја, да и помогнам на мојата земја и народ“, рече една млада девојка на Црвениот плоштад.

„Русија и се заблагодарува на луѓе како вашиот татко“, рече Путин, обраќајќи и се на девојката чиј татко се борел во Донбас од 2014 година.