Новоизбраниот американски претседател Доналд Трамп најави дека ќе го назначи Ричард Гренел, поранешниот шеф на Националната разузнавачка служба, за пратеник на претседателот за специјални мисии и политика кон некои непријателски држави, вклучително и Северна Кореја, пренесува Ројтерс.

„Рик ќе работи на некои од најжешките точки во светот, вклучувајќи ги Венецуела и Северна Кореја“, објави Трамп во саботата на својата платформа, без да даде детали за новите должности на Гренел, кој беше специјален претседателски пратеник за преговорите меѓу Белград и Приштина од 2019 до 2021 година година.
Гренел претходно беше американски амбасадор во Германија, како и вршител на должноста директор на Националното разузнавање за време на мандатот на Трамп 2017-2021 година.
Откако го поддржа Трамп во овогодинешната предизборна кампања, тој беше еден од главните кандидати за позицијата државен секретар на САД – функција која, сепак, ја назначи сенаторот Марко Рубио.
Гренел се сметаше и за кандидат за специјален пратеник за војната во Украина, но таа функција ќе ја преземе пензионираниот генерал-полковник Кит Келог.