Американскиот претседател Доналд Трамп соопшти дека утре ќе разговара со неговиот руски колега Владимир Путин како дел од американско-руското приближување за ставање крај на војната во Украина.

„Ќе разговарам со претседателот Путин во вторник“, им рече Трамп на новинарите во претседателскиот „Ер Форс 1“, додавајќи дека „многу работа е завршена“.

„Веќе се разговараше за многу работи на двете страни, Украина и Русија. Ќе разговараме за тоа, за поделба на одредени средства“, рече Трамп, алудирајќи на „размена на делови од територија и електрани“.

На 12 февруари Трамп и Путин првпат разговараа за билатералните односи и војната во Украина.