Бројот на загинати во силниот земјотрес што вчера го погоди Мјанмар се искачи на повеќе од 1.000, додека спасувачите очајнички ги бараат преживеаните по урнатините.

На социјалните мрежи се прошири видео од огромна пукнатина која се појави во Мандалеј.

Да потсетиме, водачот на војската на Мјанмар прогласи вонредна состојба и побара од секој кој може да помогне да излезе. ОН веќе се во контакт со властите.

Според податоците на USGS, епицентарот бил на околу 17,2 километри од градот Мандалеј, кој има околу 1,2 милиони жители. Околу 12 минути по првиот земјотрес, афтершок со јачина од 6,4 ја погоди областа.