Рано утрово, уапсени се двајца жители на кичевското село Трапчин Дол, кои пукале со пиштол на семејна веселба и раниле 16-годишно момче, соопшти МВР.

„На 22.07.2025 во 02:30 часот, полициски службеници од ОВР Кичево ги лишиле од слобода Ф.Ф.(36) и Ч.Ф.(52), двајцата од кичевското село Трапчин Дол. При семејна веселба во дворот од семејната куќа, Ф.Ф. од пиштол испукал неколку куршуми, кои по одбивање од подот, повредиле 16 – годишно момче од селото Стрелци, кое било пренесено во Општа болница во Кичево. Увид на местото извршиле полициски екипи и по целосно документирање на настанот, ОВР Кичево ќе поднесе соодветни пријави“, пишува во полицискиот билтен.