Почнувајќи од утре (29 јули), Фондот за пензиско и инвалидско осигурување на Северна Македонија ќе испраќа СМС-пораки до сите граѓани кои поднеле барање за пензија, со информации кога и каде можат да ја повлечат одлуката.Оваа нова услуга ги намалува толпите на шалтерите и ја поедноставува постапката за корисниците.Понатаму, во рамките на Фондот работи нов Контакт центар, каде што осигурениците можат да добијат информации за статусот на поднесените барања, како и за условите за старосни, семејни и инвалидски пензии, остварен стаж и други права.Фондот веќе воведе 13 електронски услуги преку порталот uslugi.gov.mk, а најавува и нови услуги, кои се во фаза на тестирање, вклучувајќи онлајн апликации за семејни и инвалидски пензии, како и копии од одлуки.Потсетуваме дека со 79 гласа „за“ и ниту еден „против“ или „воздржан“, пратениците на 24 јули ги одобрија измените на Законот за пензиско и инвалидско осигурување, со кои ќе се овозможи линеарно зголемување на пензиите за 2.000.
Пронајдете не на следниве мрежи:
