Ханибал Гадафи, најмладиот син на убиениот либиски лидер Моамер Гадафи, денес е ослободен од притвор во Либан, објави либанската национална новинска агенција ННА, пренесува Ројтерс.
Ханибал Гадафи помина 10 години во притвор без судење по обвинението поврзано со исчезнувањето на шиитскиот свештеник, имамот Муса ал-Садр.
Во 2015 година, Гадафи беше киднапиран од екстремисти во Сирија , каде што живееше во егзил со својата либанска сопруга и деца, откако неговиот татко беше брутално убиен во востанието што избувна во Либија во 2011 година.
Либанските власти го приведоа истата година и го обвинија за криење информации за судбината на имамот Муса ал-Садр, либански шиитски свештеник кој исчезна со своите придружници за време на патувањето во Либија во 1978 година.
Ханибал Гадафи имал само две години кога Садр исчезнал и не имал никаква висока функција во Либија. Организациите за човекови права ги осудија околностите околу неговото апсење , нарекувајќи ги обвиненијата лажни .
Во 2023 година, Гадафи штрајкуваше со глад поради неговото затворање, а потоа неговото здравје се влоши, поради што беше хоспитализиран . Минатиот месец, либанското судство нареди негово ослободување и одреди кауција од 11 милиони долари.
The post Ханибал на слобода; Синот на Гадафи ослободен по 10 години со кауција од милион долари appeared first on Во Центар.
