Основачот на „Амазон“ и моментално третиот најбогат човек во светот, Џеф Безос, влезе во нова фаза од својата деловна кариера и лансираше стартап компанија фокусирана на примена на вештачка интелигенција во инженерството и производството, „Проект Прометеј“.
На почетокот веќе има на располагање капитал од 6,2 милијарди долари .
Амбицијата на проектот е фокусирана на развој на системи што можат да го забрзаат производството, истражувањето и инженерството.
Безос на тој начин го поврзува својот личен интерес за вселената со индустријата за вештачка интелигенција, објавува „Њујорк тајмс“, повикувајќи се на анонимни информирани извори.
Прометеј се вклопува во новата генерација стартапи кои сакаат да применат вештачка интелигенција во физички задачи – не само текст, слики или код.
Овие пристапи вклучуваат учење од експерименти од реалниот свет, пристап што веќе го практикуваат компании како што се лабораториите „Периодик“, чии роботи вршат експерименти за да им обезбедат на моделите со вештачка интелигенција податоци од реалниот свет.
Околу 100 истражувачи веќе се вработени на новиот проект на Безос, вклучувајќи експерти од Open AI, DeepMind и Meta.
Во споредба со конкурентите, Прометеј има и значително поголем почетен капитал, дури три пати поголем од многу други стартапи во оваа област.
The post Безос лансира стартап компанија appeared first on Во Центар.
