Полска ја финализираше најавената нарачка за 96 хеликоптери AH-64E Apache од компанијата „Боинг“ за своите вооружени сили , потврди американскиот производител на авиони . Договорот е реализиран преку американската програма за продажба на оружје и воена опрема на странски земји (Foreign Military Sales – FMS) и е вреден околу 4,7 милијарди долари .
FMS е механизам на американската влада што им овозможува на партнерските земји да купуваат американска воена опрема, вклучувајќи авиони, хеликоптери и системи за оружје, со поддршка во обуката, логистиката и одржувањето. Преку овој систем, клиентите добиваат и техничка помош и пристап до обука, што гарантира дека опремата е веднаш употреблива.
Оваа нарачка претставува најголем број на нарачани „Апачи“ надвор од САД , поголем дури и од британската нарачка, и формира една од најголемите странски флоти на овој тип хеликоптери.
Подготовка и обука на полски персонал
Полска моментално користи осум изнајмени авиони „Апачи“ AH-64D од американската војска за обука на пилоти и технички персонал пред пристигнувањето на постојаната флота. Првиот од тие хеликоптери пристигна во Полска во јуни, а обуката вклучува симулатори, стрелиште и одржување.
Се очекува испораките на 96 AH-64E да започнат во 2028 година, додека завршувањето на договорот е планирано за 2032 година. „Боинг“ ќе ги склопува хеликоптерите во Меса, Аризона , додека полската индустрија ќе учествува во одржувањето на флотата и обуката на персоналот, како и во развојот на лабораторија за композитни материјали во земјата.
Новата флота AH-64E ќе ги замени застарените хеликоптери Мил Ми-24 (ознака на НАТО Хинд). Ми-24 се сигурни, постари хеликоптери од советско производство кои моментално се во употреба со полската војска, а AH-64E ќе ги замени како најсовремена западна варијанта на борбениот хеликоптер. За разлика од Ми-24, Апачи нема можност за транспорт на персонал или товар.
Најпознатиот борбен хеликоптер во светот: Грд, но смртоносен
AH-64 Apache е американски двомоторен јуришен хеликоптер воведен во средината на 1970-тите. Хеликоптерот претрпел многу модификации низ годините за да остане и да преживее на бојното поле.
Полска ја нарача верзијата AH-64E Guardian за своите потреби , која во споредба со варијантата AH-64D Apache / Apache Longbow има посилни мотори General Electric T700-GE701D и лопатки на роторот направени од композитни материјали.
Подобрена е и врската со други фактори и учесници на и околу бојното поле преку JTIDS (Заеднички систем за дистрибуција на тактички информации). Познатиот радар Longbow , по кој е препознатлив од варијантата AH-64D Apache, доби можност да работи над површината на водата, што отвора можност за дејствување и врз пловечки цели – не треба да заборавиме дека Полска има големи територијални води во Балтичкото Море.
Она што е особено релевантно во светлината на сè пошироката употреба на дронови за напад е поефикасното дејствување против помали и нисколетачки цели , како и подобрата заштита на екипажот.
Апачи во рускиот двор
Оваа нарачка доаѓа во деликатен геополитички момент , со зголемени тензии меѓу Русија и западните земји, особено во Источна Европа. Пристигнувањето на најсовремените западни хеликоптери во Полска , членка на НАТО што граничи со Русија и Белорусија, има стратешко значење .
Ефективно, Полска ја зајакнува својата способност за брз одговор на потенцијални закани и ја зголемува интероперабилноста со западните сојузници. Ова е симболично и практично присуство на западната воена технологија во близина на руските граници, што го зголемува притисокот и „факторот на одвраќање“ во регионот.
Полска ќе стане 19-та земја што ќе го користи Apache , додека во моментов низ целиот свет се во употреба повеќе од 1.300 хеликоптери од оваа серија. Боинг во последниве години испорача нови хеликоптери AH-64E во Австралија, Индија и Мароко.
The post Апачи на НАТО во дворот на Русија: Полска ги купува најсовремените американски хеликоптери за 4,7 милијарди долари appeared first on Во Центар.
Пронајдете не на следниве мрежи:
