Полскиот голман Војчех Шчесни откри дека минатата сезона се приклучил на Барселона како слободен играч.
За потсетување, Шчесни првично ја заврши кариерата додека беше член на Јувентус, а се врати во фудбалот сосема непланирано откако „број еден“ на Барса, Марк Андре тер Штеген, доживеа сериозна повреда на коленото.
„Три дена пред официјалното соопштение дека се повлекувам од професионалниот фудбал, му кажав на Левандовски дека не сакам да играм за ниту еден друг клуб, освен ако не е Барселона“, изјави тој за полските медиуми.
Тој открива дека Барселона веројатно знаела дека брзо ќе го убеди да се врати во фудбалот.
„Не ја изгубив страста за фудбалот, само не бев толку возбуден од другите тимови. Немаше муабет за пари“, рече тој.
Пред трансферот, Шчесни беше втор избор за голман на Јувентус, а по седум години и осум трофеи со клубот од Торино, тој одлучи да го раскине договорот една година порано. Иако имаше клаузула со која се бараше да плати два милиони евра, таа сума се совпаѓаше со платата што му ја нудеше Барселона, со што трансферот беше беспрекорен.
The post Војчех Шчесни: „Ја одиграв првата година во Барселона за да го отплатам долгот кон Јувентус“ appeared first on Во Центар.
