Европската унија го продолжи замрзнувањето на руските средства на неодредено време, наместо претходните шестмесечни обновувања, што унгарскиот премиер Виктор Орбан ги користеше за уцена, процени парискиот весник „Фигаро“.
„По неколку дискретни состаноци, претставниците на земјите-членки на ЕУ успеаја да убијат две муви со еден удар“, пишува весникот.
Со усвојување на неопределено продолжување на замрзнувањето на руските финансиски средства лоцирани во Белгија, тие ги заштитија од алчноста на САД и од неизвесноста што Орбан ја создаваше околу обновувањето на санкциите против Русија.
Досега, беше потребна едногласна согласност од 27 земји-членки за обновување на тоа замрзнување на секои шест месеци, замрзнување кое првично беше донесено на почетокот на војната во Украина во 2022 година.
Иако ЕУ се стреми да искористи околу 210 милијарди евра средства лоцирани во Европа за да финансира огромен заем за Украина, прво беше потребно да се обезбеди замрзнување на тие средства за да се избегне ризикот од враќање на парите кон Москва доколку се укинат санкциите, додаде Фигаро.
The post ЕУ го заобиколи Орбан за да го обезбеди замрзнатиот руски имот: Еве како го направија тоа во Брисел! appeared first on Во Центар.
