Џуди Хаим, мајката на покојниот актер Кори Хаим, остро ги негираше тврдењата изнесени против нејзиниот син од страна на актерот Кори Фелдман.
Кори Фелдман неодамна изјави дека Кори Хаим наводно го злоставувал за време на снимањето на филмот „Изгубените момчиња“ од 1987 година.
Во разговор за TMZ, Џуди Хаим ја нарече изјавата на Фелдман „уште една лага за труење на умовите на луѓето и останување релевантна“. Таа нагласи дека „нема шанси“ нејзиниот син сексуално да го злоупотребил Фелдман и тврдеше дека актерот се обидувал да го одвлече вниманието на јавноста од „сопствените злодела“.
Џуди додаде дека нејзиниот син, кој починал во 2010 година од компликации од пневмонија, бил хетеросексуалец и „маж од една жена“.
Фелдман претходно тврдеше дека тој и Кори биле сексуално злоставувани за време на нивните кариери.
„Кори Фелдман постојано зборува за секс и го обвинува моето дете за работи од кои не може да се одбрани“, додаде Хаим. Таа исто така тврди дека нејзиниот син никогаш не бил сам додека снимал „Изгубените момчиња“, туку секогаш бил придружуван од член на семејството.
„Зошто би биле пријатели толку долго ако се случило ова? Нема смисла“, заклучи таа, нарекувајќи ги обвинувањата клеветнички и навредливи за наследството на нејзиниот син.
Да потсетиме дека Фелдман тврдеше во документарецот „Кори Фелдман против светот“ дека Хаим еднаш го замолил „да се забавуваат“, а потоа му предложил разни сексуални дејствија. „Но, знаете, кога некој се обидува сексуално да ве нападне, а вие не го сакате тоа, вие сте дете и се плашите… Ќе направите сè за да го спречите тоа, и тоа се случи. Кори Хаим ме злоупотреби. Вистина е“, рече Фелдман. Кога беше објавен филмот „Изгубените момчиња“, Кори имаше 14 години, а Фелдман 16.
The post Мајката на покојниот Кори Хаим ги осудува обвинувањата на Кори Фелдман: Нема шанси мојот син сексуално да го злоупотребил appeared first on Во Центар.
