Основниот кривичен суд во Скопјe ја објави пресудата во предметот со КОК бр. 98/25, кој се однесува на злоупотребите извршени од страна на вработените во затворот „Скопје“. Судот ги прогласи обвинетите за виновни за кривичните дела за кои се товарат, оценувајќи ги сите олеснителни и отежнувачки околности.
Поранешниот директор на затворот „Скопје“ во Шуто Оризари, Филип Андов – Сокол, е осуден на осум месеци затвор за кривично дело злоупотреба на службена положба и овластување. Судот утврди дека кривичното дело е сторено во соработка и во подолг временски период.
Обвинетиот П.А., исто така за злоупотреба на службена положба и овластување, е осуден на условна казна затвор од шест месеци, која нема да се изврши доколку не стори ново кривично дело во рок од две години од денот на правосилноста на одлуката.Обвинетиот Ѓ.Р. е прогласен за виновен за кривичното дело несовесно вршење на должноста во службата и е осуден на условна казна затвор од три месеци, со условна казна од една година. Истата санкција, условна казна затвор од три месеци со условна казна од една година, судот му ја изрекол и на обвинетиот С.П. за истото кривично дело.
За обвинетиот Т.Н., кој беше обвинет за злоупотреба на службена положба и овластување и несовесно работење во службата, судот изрече единствена санкција – условна казна затвор од осум месеци, која нема да се примени доколку не стори ново кривично дело во следните три години.
Обвинетиот Е.О беше осуден за несовесно вршење на должноста и осуден на условна казна затвор од шест месеци, со пробен период од две години, додека обвинетиот КВ доби условна казна затвор од три месеци со пробен период од една година.
Одлуката не е конечна и страните имаат право на жалба до Апелациониот суд во Скопјe.
The post Поранешен директор на затворот „Шуто Оризари“ осуден на затворска казна за злоупотреба на службена должност appeared first on Во Центар.
