Канадско-американската актерка Кетрин О’Хара, најпозната по улогата во филмот „Сам дома“, почина на 71-годишна возраст. Нејзината агенција соопшти дека починала по кратко боледување, но детали не беа објавени. Актерката претходно проговори за својата дијагноза.Имено, ѝ беше дијагностициран ситус инверсус, ретка конгенитална состојба кај која органите во градите и абдоменот се во огледална положба во однос на нормалната анатомија.
Клиниката во Кливленд наведува дека еден од 10.000 луѓе има ситус инверсус, а оваа состојба е почеста кај мажите.
О’Хара ретко зборуваше за својата состојба, но во едно интервју рече дека морала да се тестира за туберкулоза кога нејзиниот син бил во градинка. За време на прелиминарните тестови, таа направила рендген на градите, кој открил ситус инверсус.
„Јас сум чудак! Ја сакам западната медицина, едноставно не сакам да бидам дел од неа“, рекла таа, додавајќи дека сакала да ја игнорира својата дијагноза и не сакала да се сети на нејзиното име.
„Луѓето ќе мислат дека сум неука затоа што не го знам ова, но некако не сакам да знам затоа што не знаев претходно“, рече таа.
Кај луѓе со ситус инверсус, левата преткомора на срцето и левиот бел дроб се на десната страна од телото. Црниот дроб е на левата наместо на десната, а желудникот и слезината се на десната страна од телото наместо на левата.
The post Ѕвездата од „Сам дома“, Кетрин О’Хара, имаше ретка дијагноза: Што е ситус инверсус? appeared first on Во Центар.
