Објавите на социјалните мрежи и некои израелски новински извештаи тврдат дека привремениот врховен лидер на Иран, Алиреза Арафи, бил убиен во воздушен напад само неколку часа по преземањето на власта, објави дневниот весник „Декан кроникл“.

Извештаите беа широко објавувани, но не беа потврдени од иранските државни медиуми или од големите меѓународни новински агенции. Како и почетната конфузија околу атентатот врз Хамнеи – прво потврдена од израелските власти, а подоцна признаена од иранските власти – ситуацијата околу наводната смрт на Арафи останува нејасна.

Иран го назначи Алиреза Арафи за привремен врховен лидер по смртта на долгогодишниот лидер Али Хамнеи во заедничките воздушни напади на САД и Израел врз Техеран во саботата наутро.